 |
എ ഐ സാങ്കേതികവിദ്യ ഉപയോഗിച്ച് എന്തുവേണങ്കിലും ഇനി വിരല്ത്തുമ്പില് ലഭിക്കും. തങ്ങളുടെ എല്ലാ പ്ലാറ്റ്ഫോമുകളിലേക്കും എ ഐ അവതരിപ്പിച്ചിരിക്കുകയാണ് ഫേസ്ബുക്കിന്റെ ഉടമസ്ഥരായ മെറ്റ. കമ്പനിയുടെ ഏറ്റവും നൂതനവും വലിയ ഭാഷ മോഡലുമായ (എല്എല്എം) മെറ്റ എ ഐയാണ് ലഭ്യമാകുക.
സൗജന്യമായി പ്ലാറ്റ്ഫോമുകളുടെ ഫീഡിലും ചാറ്റിലുമെല്ലാം എ ഐയുടെ സഹായമുണ്ടാകും. മെറ്റ ഡോട്ട് എഐയിലൂടെ ഉപയോക്തക്കള്ക്ക് എ ഐ ചാറ്റ്ബോട്ടുമായി നേരിട്ട് ആക്സസ് ചെയ്യാനുമാകും.
ആദ്യ ഘട്ടത്തില് മെറ്റ എ ഐ ഇംഗ്ലീഷിലായിരിക്കും ലഭ്യമാകുക. കമ്പനി പറയുന്നതനുസരിച്ച് ഉപയോക്താക്കള്ക്ക് നിലവില് അവർ ഉപയോഗിക്കുന്ന ആപ്ലിക്കേഷനിലൂടെ തന്നെ എ ഐ ടൂർ പ്രയോജനപ്പെടുത്താനാകും. മെറ്റ എ ഐ എന്നത്തേക്കാളും മികച്ചതും വേഗതയേറിയതും രസകരവുമായതാണെന്നാണ് കമ്പനി അവകാശപ്പെടുന്നത്.
എഐയുടെ ടെക്സ്റ്റ് അധിഷ്ഠിതമായവ ലാമ 2 അടിസ്ഥാനമാക്കിയുള്ളതാണ്. ഇമേജ് ജെനറേഷൻ ടൂളുകള് ലാമ 3 അടിസ്ഥാനമാക്കിയും. വാട്സ്ആപ്പ്, ഇൻസ്റ്റഗ്രാം, ഫേസ്ബുക്ക്, മെസെഞ്ജർ എന്നിവയില് മെറ്റ എഐ ലഭിക്കണമെങ്കില് ആപ്ലിക്കേഷനുകളുടെ ഏറ്റവും പുതിയ വേർഷനാണ് അപ്ഡേറ്റ് ചെയ്യേണ്ടത്.
ഓരോ ആപ്ലിക്കേഷനുകള്ക്കും വ്യത്യസ്തമായ രീതിയിലാണ് എഐ മെറ്റ അവതരിപ്പിച്ചിരിക്കുന്നത്. വാട്സ്ആപ്പില് നിങ്ങളുടെ യാത്രകള്ക്കുള്ള പദ്ധതികള് വരെ നിർദേശിക്കാൻ മെറ്റ എ ഐക്ക് കഴിയും.
ഫേസ്ബുക്കില് ഫീഡില് തന്നെയായിരിക്കും മെറ്റ എഐ ലഭിക്കുക. ചിത്രങ്ങള്, സ്റ്റിക്കറുകള്, നിലവിലുള്ള ചിത്രത്തെ കൂടുതല് മികച്ചതാക്കാനുമൊക്കെ എ ഐ ഉപയോഗിച്ച് കഴിയും.
മറ്റ് എഐ അസിസ്റ്റൻ്റുമാരെപ്പോലെ, ഇതിന് ഇമെയിലുകൾ എഴുതുക, വാചകം സംഗ്രഹിക്കുക, കവിതകൾ സൃഷ്ടിക്കുക, വ്യത്യസ്ത ഭാഷകൾക്കിടയിൽ വിവർത്തനം ചെയ്യുക തുടങ്ങിയ അടിസ്ഥാനകാര്യങ്ങൾ കൈകാര്യം ചെയ്യാൻ കഴിയും
ഫെയ്സ്ബുക്ക് ഫീഡുകളിലൂടെ സ്ക്രോള് ചെയ്തുകൊണ്ടിരിക്കുമ്പോഴും മെറ്റാ എഐ ആക്സസ്സ് ചെയ്യാവുന്നതാണ് താല്പ്പര്യമുള്ള ഒരു പോസ്റ്റ് കാണാന് ഇടയായോ? എങ്കില് ആ പോസ്റ്റില് നിന്നുതന്നെ കൂടുതല് വിവരങ്ങള് ലഭിക്കുവാന് മെറ്റാ എഐയോട് ആവശ്യപ്പെടാം.
മെറ്റാ എഐയുമായി നേരിട്ട് അല്ലെങ്കില് ഒരു ഗ്രൂപ്പ് ചാറ്റില് ഇടപഴകിക്കൊണ്ടിരിക്കുമ്പോള് വേള്ഡ് ഇമാജിന് ഉപയോഗിച്ച് സൃഷ്ടിച്ച് ചിത്രങ്ങള് ഷെയര് ചെയ്യാവുന്നതാണ്. ടെക്സ്റ്റില് നിന്നും ഇമേജ് സൃഷ്ടിക്കുന്ന മെറ്റയുടെ ടൂളാണ് ഇമാജിൻ.
കുഞ്ഞിന്റെ പിറന്നാള് ആഘോഷത്തിന് കസ്റ്റമൈസ് ചെയ്ത രസകരമായ ഒരു ക്ഷണക്കത്ത് സൃഷ്ടിക്കാം. അല്ലെങ്കില് രസകരമായ ചിത്രങ്ങള് സുഹൃത്തുക്കളോടൊപ്പം ചേര്ന്ന് സൃഷ്ടിക്കാം.നിങ്ങള് ഇഷ്ടപ്പെടുന്ന ഒരു ചിത്രം കണ്ടെത്തിയോ? എങ്കില് മെറ്റാ എഐയോട് അത് ആനിമേറ്റ് ചെയ്യാന് ആവശ്യപ്പെടാം.