ആദായ നികുതി വകുപ്പ് നൽകുന്ന അദ്വിതീയ പത്തക്ക ആൽഫാന്യൂമെറിക് നമ്പറാണ് പാൻ കാർഡ് അല്ലെങ്കിൽ പെർമനൻ്റ് അക്കൗണ്ട് നമ്പർ. ഇന്ത്യയിലെ പൗരന്മാർക്ക് വേണ്ട ഏറ്റവും പ്രധാനപ്പെട്ട രേഖകളിൽ ഒന്നാണിത്. ഇത് നികുതി ആവശ്യങ്ങൾക്ക് മാത്രമല്ല, ഇത് തിരിച്ചറിയൽ രേഖയായും ഉപയോഗിക്കുന്നു. കുട്ടികൾക്ക് പാൻ കാർഡ് ആവശ്യമുണ്ടോ?
ആദായ നികുതി ഫയൽ ചെയ്യുന്നതിന് ആവശ്യമായ ഒരു രേഖയായോ, കെവൈസി പൂർത്തിയാക്കുന്നതിന് ആവശ്യമായ തെളിവായോ ആണ് പലപ്പോഴും പാൻ കാർഡ് ഉപയോഗിക്കപ്പെടുന്നത്. അതിനാൽത്തന്നെ ഇത് മുതിർന്ന വ്യക്തികൾക്കാണ് കൂടുതലും ആവശ്യം വരിക. എന്നാലും പാൻ കാർഡ് മുതിർന്നവർക്ക് മാത്രമുള്ളതല്ല. 18 വയസ്സിന് താഴെയുള്ള പ്രായപൂർത്തിയാകാത്തവർക്കും പാൻ കാർഡ് ലഭിക്കും. പക്ഷെ അവരുടെ മാതാപിതാക്കളോ രക്ഷിതാക്കളോ ഇതിനു അപേക്ഷിക്കണം. കൂടാതെ, പ്രായപൂർത്തിയാകാത്തവർക്ക് നൽകുന്ന പാൻ കാർഡിൽ അവരുടെ ഫോട്ടോയോ ഒപ്പോ ഉൾപ്പെടാത്തതിനാൽ 18 വയസ്സ് തികയുമ്പോൾ, വ്യക്തികൾ അവരുടെ പാൻ കാർഡ് അപ്ഡേറ്റിന് അപേക്ഷിക്കണം,
എപ്പോഴാണ് കുട്ടികൾക്ക് പാൻ കാർഡ് വേണ്ടത്?
1. നിക്ഷേപം: നിങ്ങൾ കുട്ടിയുടെ പേരിൽ നിക്ഷേപിക്കുകയാണെങ്കിൽ
2. നിക്ഷേപങ്ങൾക്കുള്ള നോമിനി: നിങ്ങളുടെ നിക്ഷേപങ്ങൾക്ക് നിങ്ങളുടെ കുട്ടിയെ നോമിനിയാക്കാൻ.
3. ബാങ്ക് അക്കൗണ്ടുകൾ: നിങ്ങളുടെ കുട്ടിയുടെ പേരിൽ ഒരു ബാങ്ക് അക്കൗണ്ട് തുറക്കുമ്പോൾ.
4. വരുമാനം: പ്രായപൂർത്തിയാകാത്ത വ്യക്തിക്ക് വരുമാന സ്രോതസ്സ് ഉണ്ടെങ്കിൽ.