ആനിമേറ്റഡ് സ്റ്റിക്കർ പ്ലാറ്റ്ഫോമായ ജിഫി (Giphy) ഇനി വാട്സാപ്പിൽ ലഭ്യമാവും. ഇതോടൊപ്പം ആൻഡ്രോയിഡ് ഉപഭോക്താക്കൾക്കായി കസ്റ്റം സിറ്റിക്കർ മേക്കർ ടൂൾ അവതരിപ്പിച്ചു. പുതിയ ബ്ലോഗ് പോസ്റ്റിലാണ് കമ്പനി പുതിയ അപ്ഡേറ്റ് വിവരങ്ങൾ പങ്കുവെച്ചത്.
ജിഫിയുടെ സ്റ്റിക്കറുകൾ വാട്സാപ്പിൽ നേരിട്ട് ലഭ്യമാവും. ചാറ്റുകളിൽ ഉചിതമായ സ്റ്റിക്കറുകൾ തിരഞ്ഞുകണ്ടുപിടിക്കുന്നത് ഇതുവഴി എളുപ്പമാവും. അതിനായി ആപ്പിൽ നിന്ന് പുറത്ത് പോകേണ്ടി വരില്ല. സ്റ്റിക്കർ ഐക്കണിൽ ടാപ്പ് ചെയ്തതിന് ശേഷം സെർച്ചിൽ ടെക്സ്റ്റ് അല്ലെങ്കിൽ ഇമോജി ഉപയോഗിച്ച് സ്റ്റിക്കറുകൾ തിരയാം.
ഐഒഎസിൽ നേരത്തെ തന്നെ ലഭ്യമാക്കിയ കസ്റ്റം സ്റ്റിക്കർ മേക്കർ ഫീച്ചർ ആൻഡ്രോയിഡ് ഉപഭോക്താക്കൾക്കും ലഭ്യമാക്കിയിരിക്കുകയാണ് വാട്സാപ്പ്. മാസങ്ങൾക്ക് മുമ്പ് തന്നെ, പല ആൻഡ്രോയിഡ് ഫോണുകളിലും ഈ ഫീച്ചർ എത്തിയിട്ടുണ്ട്. ഗാലറിയിലെ ചിത്രങ്ങൾ എളുപ്പം സ്റ്റിക്കറാക്കി മാറ്റാനും സ്റ്റിക്കർ ട്രേയിൽ സൂക്ഷിക്കാനും ഇതുവഴി സാധിക്കും.
എഐ സ്റ്റിക്കറുകൾ ആവശ്യമായ സ്റ്റിക്കറുകൾ തിരഞ്ഞുകണ്ടുപിടിക്കാൻ സാധിക്കുന്നില്ലെങ്കിൽ മെറ്റ എഐയെ മറക്കരുത് കൂടുതൽ സ്റ്റിക്കറുകൾ ആവശ്യാനുസരണം നിർമിക്കാൻ മെറ്റ എഐയുടെ സഹായത്തോടെ സാധിക്കും. നിലവിൽ യുഎസിൽ മാത്രമാണ് ഈ സൗകര്യം ലഭിക്കുന്നത്.
സ്റ്റിക്കർ ഓർഗനൈസേഷൻ ഫീച്ചർ, ഈ പുതിയ സംവിധാനത്തിലുടെ വാട്സാപ്പിന്റെ സ്റ്റിക്കർ പാക്കുകൾ നിങ്ങളുടെ സ്റ്റിക്കർ ട്രേയുടെ താഴെയായി പ്രദർശിപ്പിക്കും. സ്റ്റിക്കർ ട്രേയിലെ സ്റ്റിക്കറുകളുടെ സ്ഥാനം മാറ്റാൻ സ്റ്റിക്കറുകൾക്ക് മേൽ ലോങ് പ്രസ് ചെയ്ത് അവ മറ്റൊരിടത്തേക്ക് നീക്കുകയോ ഡിലീറ്റ് ചെയ്യുകയോ ആവാം.