ചീസ് പ്രേമികളെ ഞെട്ടിച്ചു കൊണ്ടാണ് ഒരു വിൽപ്പന നടന്നത്.ലോകത്തിലെ വിലയേറിയ ചീസ് വിറ്റത് റെക്കോർഡ് തുകയ്ക്ക്.2.3 കിലോഗ്രാം സ്പാനിഷ് കാബ്രലെസ് ബ്ലൂ ചീസാണ് €36,059 (യൂറോയ്ക്ക്) വിറ്റുപോയത്. ഇന്ത്യൻ വിലയിൽ നോക്കിയാൽ ഏകദേശം 36 ലക്ഷം രൂപ.
വടക്ക് പടിഞ്ഞാറൻ സ്പെയിനിലെ അസ്റ്റൂറിയാസിൽ നടന്ന ലേലത്തിലാണ് ലോകത്തിലെ വിലയേറിയ ചീസ് (cheese) വിറ്റ് പോയത്. ലേലത്തിൽ ഒരു ചീസ് കഷണത്തിന് ലഭിക്കുന്ന ഏറ്റവും ഉയർന്ന തുകയാണ് കാബ്രലെസ് ബ്ലൂ ചീസ് (Cabrales Blue Cheese) സ്വന്തമാക്കിയത്.
കാബ്രലെസ് ബ്ലൂ ചീസിനെ എന്തുകൊണ്ടാണ് ഇത്രയും ഉയർന്ന വില കിട്ടാൻ കാരണം എന്ന് ചോദിച്ചാൽ അതിൻറെ നിർമ്മാണ രീതിയുടെ പ്രത്യേകത കൊണ്ടാണ്. പശുവിൻറെ പാലിൽ നിന്ന് ഉണ്ടാക്കുന്ന ബ്ലൂ ചീസ് ഗുഹയിലാണ് സൂക്ഷിക്കുന്നത്.
പിക്കോസ് ഡി യൂറോപ്പ് മലനിരകളിലെ സമുദ്രനിരപ്പിൽ നിന്ന് ഏകദേശം 5,000 അടി ഉയരത്തിൽ സ്ഥിതി ചെയ്യുന്ന ലോസ് മാസോസ് ഗുഹയിലാണ് (Los Mazos Cave) കാബ്രലെസ് ബ്ലൂ ചീസ് സൂക്ഷിക്കുന്നത്. ഗുഹയിലെ തണുത്ത വായുവും ഈർപ്പവും ചീസിന് അതിന്റെ തനതായ രുചിയും പച്ച-നീല നിറവും അതോടെ ഇതിന് കിട്ടുന്നു.
പച്ചപ്പാൽ കൈ കൊണ്ടാണ് ഇളക്കുക, തുടർന്ന് ഇവ തുണിയിൽ പൊതിഞ്ഞ മലയുടെ ഉള്ളിലുള്ള ഗുഹയിൽ കൊണ്ടുവയ്ക്കും.ഗുഹയിലെ വായു, പാറകൾ, സൂക്ഷ്മാണുക്കൾ എന്നിവയുടെ ഗുണങ്ങൾ ചീസ് ആഗിരണം ചെയ്യാൻ കാരണമാകുന്നു. ഈ പ്രക്രിയയാണ് ചീസിന് ക്രീമി ടെക്സ്ചറും രുചിയും പരമ്പരാഗതമായി നൽകുന്നത്.
കുടുംബ സംരംഭമായ എയ്ഞ്ചൽ ഡയസ് ഹെറേറോ ചീസ് ഫാക്ടറിയിലാണ് പരമ്പരാഗത രീതികൾ പിന്തുടരുന്ന ചീസ് നിർമ്മിക്കുന്നത്. ഗുഹയിൽ പത്ത് മാസം സൂക്ഷിച്ച ശേഷമാണ് മികച്ച ചീസ് തിരഞ്ഞെടുക്കുന്ന വാർഷിക കാബ്രലെസ് ചീസ് മത്സരത്തിൽ ഇവർ പങ്കെടുത്തുത്.എയ്ഞ്ചൽ ഡയസ് ഹെറേറോ ചീസ് കമ്പനി തന്നെയാണ് ഇത്തവണത്തെ വിജയിയും.
കാത്സ്യം സമ്പുഷ്ടമായ കാബ്രലെസ് ചീസ്, മിതമായ അളവിൽ കഴിക്കുന്നത് ദഹനത്തിനും കുടൽ ആരോഗ്യത്തിനും സഹായകരമാണ്. 15 നിർമ്മാതാക്കളിൽ നിന്നുള്ള ചീസ് ആണ് വിദഗ്ധരായ രുചി നോക്കൽ പാനലിസ്റ്റുകൾ തിന്നു നോക്കി ഫലം പ്രഖ്യാപിച്ചത്.എൽ ലഗാർ ഡി കൊളോട്ടോ എന്ന റെസ്റ്റോറന്റിന്റെ ഉടമയായ ഇവാൻ സുവാരസാണ് കാബ്രലെസ് ചീസ് സ്വന്തമാക്കിയത്. മികച്ച ചീസ് തുടർച്ചയായ അഞ്ചുവർഷവും സ്വന്തമാക്കിയതും ഇദ്ദേഹം തന്നെയാണ്.
#magazine #food #Spain