 |
| Courtesy |
അമേരിക്കന് പ്രസിഡന്റ് തിരഞ്ഞെടുപ്പില്നിന്ന് ജോ ബൈഡന് സ്ഥാനാര്ഥിത്വം പിന്വലിക്കുന്ന തീയതി കൃത്യമായി പ്രവചിച്ച് ശ്രദ്ധേയായ വനിതാജ്യോതിഷി എമി ട്രിപ് പുതിയ പ്രവചനവുമായി രംഗത്ത്.
യു.എസ്. പ്രസിഡന്റ് തിരഞ്ഞെടുപ്പില് ഇക്കുറി ആര് വിജയിക്കുമെന്നാണ് അവര് പ്രവചിച്ചിരിക്കുന്നത്. ഡൊണാള്ഡ് ട്രംപ്-കമലാ ഹാരിസ് പോരാട്ടത്തില് ഡൊണാള്ഡ് ട്രംപ് വിജയിച്ചേക്കുമെന്നും അമേരിക്കയുടെ പ്രസിഡന്റ് ആകുമെന്നും എമി പ്രവചിക്കുന്നു. സൂര്യന് ഡൊണാള്ഡ് ട്രംപിന് അനുകൂലമാണ്. എന്നാല് യുറാനസിന്റെ സ്ഥാനം അല്പം പ്രവചനാതീതമായ സാഹചര്യം സൂചിപ്പിക്കുന്നുവെന്നും എമി പറഞ്ഞു.
ഇന്റര്നെറ്റിലെ ഏറ്റവും കുപ്രസിദ്ധയായ ജ്യോതിഷി എന്നാണ് നാല്പ്പതുകാരിയായ എമി അറിയപ്പെടുന്നത്. ബൈഡന് സ്ഥാനാര്ഥിത്വം പിന്വലിക്കുന്നതിനെ കുറിച്ച് ജൂലൈ 11-നാണ് എമി ട്വീറ്റ് ചെയ്യുന്നത്. ബൈഡന് തീരുമാനം പ്രഖ്യാപിക്കുന്ന തീയതിയെ കുറിച്ചുള്ള പ്രത്യേകതകള് അവര് ട്വീറ്റില് വ്യക്തമാക്കിയിരുന്നു. എന്നാണ് കൃത്യമായ തീയതി എന്ന ഒരു ഉപയോക്താവിന്റെ ചോദ്യത്തിന് ജൂലൈ 21 എന്ന് അവര് മറുപടി നല്കുകയും ചെയതു. ജൂലൈ 21-ന് തന്നെയായിരുന്നു ബൈഡന്, താന് സ്ഥാനാര്ഥിത്വത്തില്നിന്ന് പിന്വാങ്ങുന്നതായി പ്രഖ്യാപിച്ചതും.
നക്ഷത്രഫലം അനുസരിച്ച് അടുത്ത അമേരിക്കൻ പ്രസിഡന്റ് ഡോണൾഡ് ട്രംപ് ആയിരിക്കുമെന്ന് ആമി ട്രിപ്പ് പറയുന്നു. 'തന്റെ ഔദ്യോഗിക ജീവിതത്തിലെ ഏറ്റവും വിജയഘട്ടത്തിലാണ് ട്രംപ് ഇപ്പോൾ. വധശ്രമത്തിന് വിധേയനായതിനാൽ ട്രംപുമായി ബന്ധപ്പെട്ട് അപ്രതീക്ഷിത സംഭവവികാസങ്ങൾ ഇനിയും ഉണ്ടാകും. യുറാനസ് ഇപ്പോൾ അദ്ദേഹത്തിന്റെ മദ്ധ്യസ്വർഗത്തിലാണ്. തൊഴിലിലെയും ലക്ഷ്യങ്ങളിലെയും പ്രവചനാതീത സ്വഭാവമാണ് ഇത് സൂചിപ്പിക്കുന്നത്'- ആമി ട്രിപ്പ് വ്യക്തമാക്കി.
29 ഡിഗ്രീസ് കാപ്രികോണിൽ കാപ്രികോൺ പൗർണമി ദിനത്തിലായിരിക്കും ബൈഡൻ തിരഞ്ഞെടുപ്പിൽ നിന്ന് പിന്മാറുകയെന്നാണ് 40കാരിയായ ആമി പ്രവചിച്ചത്. 'സർക്കാരിനെയും പ്രായാധിക്യത്തെയും ഭരിക്കുന്നത് കാപ്രികോൺ ആണ്' എന്നാണ് ആമി എക്സിൽ കുറിച്ചത്. കൃത്യമായ ദിവസം എന്നായിരിക്കുമെന്ന ഒരു ഉപഭോക്താവിന്റെ ചോദ്യത്തിന് ജൂലായ് 21 എന്നായിരുന്നു ആമി മറുപടി നൽകിയത്.
പ്രസിഡൻഷ്യൽ തിരഞ്ഞെടുപ്പിൽ കമല ഹാരിസ് മത്സരിക്കുമെന്നും ആമി നേരത്തെ പ്രവചിച്ചിരുന്നു. ബൈഡന് പ്രായമേറെയായി എന്നാണ് ഇതിന് ജ്യോതിഷി കാരണം പറഞ്ഞത്. കമലയുടെ നക്ഷത്രഫലമനുസരിച്ച് രണ്ടാമത്തെ ശനി തിരികെ വരികയാണ്. ഈ സമയത്ത് ജോലിയിൽ പുരോഗതിയോ അധികാരമോ ലഭിക്കുന്ന സമയമാണെന്നും ആമി നേരത്തെ വ്യക്തമാക്കിയിരുന്നു.
സമീപഭാവിയിൽ ബൈഡന് കൂടുതൽ ബുദ്ധിമുട്ടുകൾ നേരിടേണ്ടിവരുമെന്നും അവർ കൂട്ടിച്ചേർത്തു. 'പ്ലൂട്ടോ തന്റെ സൂര്യനിലാണ് നിലവിൽ സ്ഥിതി ചെയ്യുന്നത്. ബൈഡന് ഏതെങ്കിലും തരത്തിലുള്ള ആരോഗ്യ പ്രതിസന്ധി ഉണ്ടാവുകയോ ആരോഗ്യം ക്ഷയിക്കുകയോ ചെയ്യാം'- ജ്യോതിഷി പറയുന്നു.