*ഉള്ള സ്വാതന്ത്ര്യവും പൂട്ടിക്കുമോ? : ടെലഗ്രാം സിഇഒ അറസ്റ്റിൽ*
__________________________
മെസേജിങ് പ്ലാറ്റ്ഫോമായ ടെലഗ്രാമിന്റെ സ്ഥാപകനും സിഇഒയുമായ പാവെല് ദുറോവ് ഫ്രാന്സില് അറസ്റ്റില്. പാരീസിന് പുറത്തുള്ള ലെ ബുര്ഗ്വെ വിമാനത്താവളത്തില് വച്ചാണ് ദുരോവിനെ ഫ്രഞ്ച് പോലീസ് കസ്റ്റഡിയില് എടുത്തത്.
മുകളിൽ ചരിഞ്ഞ വരികളിൽ കൊടുത്തിരിക്കുന്നത് ദിവസങ്ങൾക്കു മുമ്പ് ഗ്രൂപ്പിൽ ഫ്രാൻസിൽ ഉണ്ടായ സംഭവത്തിന്റെ വാർത്ത നൽകിയപ്പോൾ എഴുതിയ തലക്കെട്ടും താഴെയുള്ള ആദ്യ ഖണ്ഡികയുടെ പകർപ്പും.
ആ തലക്കെട്ട് നൽകുമ്പോൾ കരുതിയത് പോലെ കാര്യങ്ങൾ നീങ്ങുന്നു എന്നതുപോലെയാണ് പുറത്തുവരുന്ന റിപ്പോർട്ടുകൾ.
ജനപ്രിയ മെസേജിങ് ആപ് ടെലിഗ്രാമിനെ ഇന്ത്യയിൽ നിരോധിക്കാൻ നീക്കം. ടെലിഗ്രാം സിഇഒ പവൽ ദുറോവ് ഫ്രാൻസിൽ അറസ്റ്റിലായതിന് പിന്നലെയാണ്, ആപ്പിനെ ഇന്ത്യയിൽ നിരോധിക്കാനുള്ള നീക്കം നടക്കുന്നത്. ഇന്ത്യൻ സൈബർ ക്രൈം കോഓർഡിനേഷൻ സെന്ററിന്റെ നേതൃത്വത്തിൽ ആഭ്യന്തര മന്ത്രാലയവും ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയവും ആപ്പിന്റെ പ്രവർത്തനങ്ങൾ സസൂക്ഷ്മം നിരീക്ഷിക്കുകയാണ്. തട്ടിപ്പ്, ചൂതാട്ടം തുടങ്ങിയ നിയമവിരുദ്ധ പ്രവർത്തനങ്ങൾക്കായി ആപ് ഉപയോഗിക്കുന്നതായും കേന്ദ്രസർക്കാരിന് വിവരമുണ്ട്. ഇതിന്റെ അടിസ്ഥാനത്തിലാണ് നിരോധനത്തിലേക്ക് കടക്കുന്നതെന്നാണ് സൂചന.
ഇന്ത്യൻ സൈബർ ക്രൈം കോഓർഡിനേഷൻ സെന്ററുമായി, ടെലിഗ്രാം അധികൃതർ വേണ്ടവിധത്തിൽ സഹകരിക്കുന്നില്ലെന്നതും നിരോധനത്തിന് സർക്കാരിനെ പ്രേരിപ്പിക്കുന്നതായാണ് റിപ്പോർട്ട്. രാജ്യത്തെ ദശലക്ഷക്കണക്കിന് ഉപയോക്താക്കളെ നിരോധനം ബാധിക്കും. കേന്ദ്രസർക്കാർ നടത്തുന്ന അന്വേഷണത്തിന്റെ കണ്ടെത്തലുകളെ ആശ്രയിച്ചിരിക്കും ടെലിഗ്രാമിന്റെ ഇന്ത്യയിലെ ഭാവിയെന്നാണ് പുറത്തുവരുന്ന റിപ്പോർട്ടുകൾ.