ഈ നൂറ്റാണ്ടിലെ ഏറ്റവും വിലകൂടിയ വാഴപ്പഴം, ന്യൂയോർക്കിലെ ആർട്ട് ഗാലറിയിൽ നിന്നും ജസ്റ്റിൻ സൺ സ്വന്തമാക്കിയ 'കൊമേഡിയൻ' കലാസൃഷ്ടി ഒടുവിൽ ഉടമയ്ക്ക് തന്നെ ഭക്ഷണമായി. മാധ്യമങ്ങളുടെയും ജനങ്ങളുടെയും മുന്നിൽ, ഹോങ്കോങ്ങിലെ ഹോട്ടലിൽ വെച്ചാണ് ക്രിപ്റ്റോ കറൻസി സംരംഭകനായ ജസ്റ്റിൻ സൺ ലേലത്തിൽ സ്വന്തമാക്കിയ ആ വാഴപ്പഴം അകത്താക്കിയത്.
കഴിഞ്ഞ ആഴ്ച കൊമേഡിയനെ സ്വന്തമാക്കിയ വേളയിൽ തന്നെ ജസ്റ്റിൻ സൺ, താൻ 6.2 ദശലക്ഷം യുഎസ് ഡോളർ മുടക്കി വാങ്ങിയ വാഴപ്പഴം മാധ്യമങ്ങൾക്ക് മുന്നിൽ നിന്ന് ഭക്ഷിക്കുമെന്ന് വാക്ക് നൽകിയിരുന്നു. അതും ഒരു ചരിത്രനിമിഷമാകുമെന്ന് ജസ്റ്റിൻ അറിയിച്ചു. ഒടുവിൽ, നിരവധി മാധ്യമങ്ങളുടെയും ഇൻഫ്ലുവൻസർമാരുടെയും മുന്നിൽ പെനിൻസുല ഹോട്ടലിൽ വച്ച്, കൊമേഡിയനെ അകത്താക്കിയ ജസ്റ്റിൻ, മുൻപ് കഴിച്ചിട്ടുള്ള വാഴപ്പഴങ്ങളേക്കാൾ പ്രത്യേകതയുള്ള രുചിയാണ് കൊമേഡിയൻ്റേതെന്ന് റിവ്യൂവും പറഞ്ഞു.
Also read അന്ന് പഴം മാത്രം, ഇന്ന് അതിൻറെ പോസ്റ്റർ