'ലോകത്തിലെ ഒരു പുരുഷനും എന്റെ ശവകുടീരം കണ്ടെത്തില്ല... അതിന് മനുഷ്യകുലത്തിന് സാധിക്കില്ല'- ക്ലിയോപാട്ര
പ്രണയമായാലും, സൗന്ദര്യമായാലും (രൂപം നിറം എന്നിവയുടെ കാര്യത്തിൽ ഇപ്പോഴും ഗവേഷകർക്ക് ഇപ്പോഴും ഒരു പിടിയും ഇല്ല. മങ്ങിയ നിറമായിരുന്നു എന്നു പറയുന്നു) അതേപോലെ ലൈംഗിക താൽപര്യത്തിന്റെ കാര്യത്തിൽ ആയാലും ഈജിപ്തിന്റെ, ഒരു പക്ഷേ ലോകചരിത്രത്തിൽ തന്നെ ക്ലിയോപാട്രയോളം ആഘോഷിക്കപ്പെട്ട ഒരു സ്ത്രീയുണ്ടാകില്ല ഇതേപോലെ ലോകത്തിലെ ഏറ്റവും പ്രശസ്തരായ ചരിത്രവനിതകളിൽ മുന്നിലാണ് ക്ലിയോപാട്ര. ഈജിപ്തിന്റെ റാണിമാരിൽ ഏറ്റവും ധീരയായ വനിത അസാമാന്യ ബുദ്ധിസാമർഥ്യവും നേതൃത്വഗുണവും കൈമുതലാക്കിയ വ്യക്തിത്വം ഇങ്ങനെയൊക്കെ പോകുന്നു ക്രിസ്തുവിന് മുമ്പ് ജീവിച്ചിരുന്ന ആ സ്ത്രീയെ കുറിച്ചുള്ള പഠനങ്ങൾ.
ടോളമി രാജവംശത്തിലെ അവസാന ഫറവോയ്ക്ക് തന്ത്രശാലി എന്ന പേരും ഉണ്ടായിരുന്നു, അത് എന്ത് കാര്യത്തിലും. പക്ഷേ ക്ലിയോപാട്രയും ജൂലിയസ് സീസറും മാർക്ക് ആന്റണിയും ഉൾപ്പെട്ട ആ കുഴഞ്ഞു മറിഞ്ഞ ഇരട്ട പ്രണയബന്ധം, ഈജിപ്തിന്റെയും റോമിന്റെയും ചരിത്രം മാറ്റിമറിക്കുകയാണുണ്ടായത്. പക്ഷേ ഇപ്പോഴും ഒരു നിഗൂഢമായി തുടരുന്ന ക്ലിയോപാട്രയുടെ ശവകുടീരത്തിന്റെ കാര്യമാണ് പറയുന്നത്, അല്ലാതെ ലോകം സെറ്റ് ചെയ്തു വെച്ച സദാചാരത്തിന്റെ അല്ലെങ്കിൽ ടോളമി രാജവംശത്തിന്റെ തകർച്ചയെക്കുറിച്ചും അല്ല.
എണ്ണമറ്റ ചരിത്രകാരന്മാരും ഗവേഷകരുമാണ് ക്ലിയോപാട്രയുടെ ശവകുടീരം കണ്ടെത്താനായി വർഷങ്ങളോളം അലഞ്ഞത്. ഒരിക്കലും കണ്ടെത്തില്ല എന്ന് കരുതിയിരുന്ന പല ശവകുടീരങ്ങളും മമ്മികളും പുറംലോകം കണ്ടെങ്കിലും, ക്ലിയോപാട്ര അതേ പ്രതാപത്തോടെയും പ്രൗഢിയോടെയും ഈജിപ്തിലെവിടെയോ മറഞ്ഞിരിക്കുകയാണ്. അല്ലെങ്കിൽ ഒരു പക്ഷേ മെഡിറ്ററേനിയൻ കടലിന്റെ അടിത്തട്ടിലെവിടെയോ... തന്റെ ശവകുടീരം കണ്ടെത്താൻ മനുഷ്യകുലത്തിന് കഴിയില്ലെന്ന ക്ലിയോപാട്രയുടെ വാക്കുകൾ ഈജിപ്തിലെങ്ങും മുഴങ്ങി കേൾക്കുന്നത് മറ്റൊരു നിഗൂഢം.
പുരാതന അലക്‌സാണ്ട്രിയയിലാണ് ക്ലിയോപാട്രയുടെ ശവകുടീരം എന്നാണ്,കണ്ടെത്തൽ നടത്തിയതാകട്ടെ കാത്‌ലീൻ മാർട്ടിനസ് എന്ന പുരാവസ്തു ഗവേഷകയും. 2024 ഡിസംബറിലാണ് തന്റെ പത്ത് വർഷക്കാലത്തെ തെരച്ചിലിനൊടുവിൽ ചില തെളിവുകളിലേക്ക് കാത്‌ലീൻ എത്തുന്നത്. അലക്‌സാണ്ട്രിയയ്ക്ക് പുറത്ത് ഒരു പുരാതന നഗരത്തിൽ, താപൊസിരിസ് മാഗ്ന എന്ന ആരാധനാലയത്തിന് സമീപം ക്ലിയോപാട്രയുടെ ശവകുടീരം ഉണ്ടെന്നാണ് കാത്‌ലീന്റെ നിഗമനം. ഈ കണ്ടെത്തലിലെ കൗതുകമെന്തെന്നാൽ ഈ പ്രദേശത്തിന്റെ ഭൂരിഭാഗവും മെഡിറ്ററേനിയൻ കടലിന് അടിയിലാണ് എന്നതാണ്.
ക്ലിയോപാട്രയുടെ ശവകുടീരം ഇവിടെ തന്നെ എന്ന നിഗമനത്തിലേക്ക് കാത്‌ലീനെ എത്തിച്ചത് താപൊസിരിസ് മാഗ്നയിൽ നിന്ന്, കിരീടമണിഞ്ഞ ഒരു രൂപം കണ്ടെത്തിയതാണ്. ഇതിന് കാരണമായി പറയുന്നത് കണ്ടെത്തിയ പ്രതിമയുടെ മുഖത്തിന് ക്ലിയോപാട്രയുടെ ഛായ ആയിരുന്നു. ഇവിടെ നിന്ന് കണ്ടെത്തിയ 337 നാണയങ്ങളിലും ക്ലിയോപാട്രയുടെ മുഖം ആലേഖനവും ചെയ്തിരുന്നു. പക്ഷേ പല ചരിത്രകാരന്മാരും ഈ വാദം നിഷേധിക്കുന്നുണ്ടെങ്കിലും ക്ലിയോപാട്രയുടെ ശവകുടീരം താപൊസിരിസ് മാഗ്നയിൽ തന്നെ എന്ന നിഗമനത്തിലുറച്ചാണ് കാത്‌ലീന്റെ ഗവേഷണം.
ഒസൈരിസിന്റെ ആരാധനാലയമാണ് താപോസിരിസ് മാഗ്നയിലേത് അതായത് ഈ ആരാധനാലയം ഈജിപ്തിലെ പ്രമുഖ ദേവതയുടേതാണ് എന്നത് തന്നെ കാരണം.ഓസൈരിസിന്റെ അവതാരമായാണ് ക്ലിയോപാട്ര കണക്കാക്കപ്പെട്ടിരുന്നത്.. ഈ ആരാധനാലയത്തിൽ ഒന്നരക്കിലോമീറ്റർ ദൂരമുള്ള ഒരു തുരങ്കം ഇടക്കാലത്ത് കണ്ടെത്തിയിരുന്നു. തുരങ്കത്തിന്റെ ഒരു ഭാഗം കടലിനുള്ളിൽ മുങ്ങിയ നിലയിലായിരുന്നു. സി.ഈ 365 കാലഘട്ടത്തിൽ ഇവിടെ സംഭവിച്ച, ഒരു മഹാപ്രളയത്തിന്റെ ബാക്കിപത്രമാണിതെന്നാണ് ചരിത്രകാരന്മാരുടെ വിലയിരുത്തൽ. ഈ പ്രളയം കണക്കിലെടുത്ത് തന്നെയാണ്, അലക്‌സാണ്ട്രിയയ്ക്ക് 25 മൈൽ മാറിയാണ് ക്ലിയോപാട്ര ഉള്ളത് എന്നും അത് താപോസിരിസ് മാഗ്നയിലാണ് എന്നും കാത്‌ലീന്റെ നിഗമനം. ഈ തുരങ്കം കണക്ട് ചെയ്യുന്നത് പുരാതന അലക്‌സാണ്ട്രിയയുടെ അവശിഷ്ടങ്ങളിലേക്കാണ് എന്നതും പ്രതീക്ഷ നൽകുന്നതായി ഗവേഷക കരുതുന്നു.
പൊതുവേ കരുതപ്പെടുന്നത് ക്ലിയോപാട്രയുടെ ശവകുടീരം കണ്ടെത്തിയാൽ മാർക്ക് ആന്റണിയുടെ ശവകുടീരവും അതിനൊപ്പം തന്നെ കണ്ടെത്താനായേക്കും എന്നതാണ് ചരിത്രകാരന്മാരെ ഭ്രമിപ്പിക്കുന്ന മറ്റൊരു വസ്തുത. കാരണം ക്ലിയോപാട്രയ്‌ക്കൊപ്പം തന്നെ മാർക്ക് ആന്റണിയെയും അടക്കം ചെയ്തിരിക്കാം എന്നാണ്. സർപ്പ ദംശനം ഏറ്റ സ്വയം മരണം വരിക്കുന്നതിന് മുൻപ് തനിക്കും ആന്റണിക്കും മരണശേഷം വേണ്ടതെല്ലാം ക്ലിയോപാട്ര പറഞ്ഞ് ഏർപ്പാട് ചെയ്തിരുന്നു. തങ്ങളെ ഒരുമിച്ച് ഒരു ശവകുടീരത്തിൽ അടക്കണം എന്നതായിരുന്നു ക്ലിയോപാട്രയുടെ ആഗ്രഹം. അത് ഒരിക്കലും മനുഷ്യകുലത്തിന് കണ്ടെത്താനാവരുത് എന്ന നിർബന്ധവും ക്ലിയോപാട്രയ്ക്കുണ്ടായിരുന്നു.
കാലം പോകുമ്പോൾ കടലിനടിയിലായേക്കാം എന്ന് മുൻകൂട്ടി കണ്ടാണോ താപോസിരിസ് മാഗ്നയിൽ ക്ലിയോപാട്രയുടെ ശവകുടീരം ഒരുക്കിയത് എന്ന് വേണമെങ്കിൽ ചിന്തിക്കാം.തുത്തൻ ഖാമന്റേതും ഖുഫുവിന്റേതുമടക്കം അതിപ്രശസ്തരായ പല ഫറവോമാരുടെയും ശവകുടീരങ്ങൾ കണ്ടെത്തിയപ്പോഴും മറഞ്ഞ് കിടക്കുകയാണ് ഈജിപ്തിന്റെ പുരാതന രാജ്ഞിയുടെ കുഴിമാടം..
മരണശേഷമുള്ള തങ്ങളുടെ വിശ്രമജീവിതം ആരും ഒരുകാലത്തും തടസ്സപ്പെടുത്തരുത് എന്ന് നിർബന്ധമുണ്ടായിരുന്നു ഫറവോമാർക്ക്. ആ പ്രതിജ്ഞ നിറവേറ്റാൻ നിയോഗിക്കപ്പെട്ടവരായിരുന്നു അക്കാല ഈജിപ്തിലെ ഓരോ പൗരനും.അത്യാഢംപരപൂർണവും നിഗൂഢവുമായ ശവകുടീരങ്ങളാണ് ഈജിപ്ഷ്യൻ ഫറവോമാർക്ക് അവരുടെ പ്രജകൾ വാഗ്ദാനം ചെയ്യുന്നത്. ലോകചരിത്രത്തിൽ ഇന്നോളം കണ്ടെത്തിയിട്ടുള്ള പിരമിഡുകളും മമ്മികളുമൊക്കെ തന്നെ വർഷങ്ങൾ നീണ്ട, കടുത്ത വെല്ലുവിളികൾ ഏറെയുണ്ടായിരുന്ന ഗവേഷണങ്ങളിലൂടെ കണ്ടെത്തിയിട്ടുള്ളവയാണ്.
ദൈവത്തിൻറെ പ്രതിപുരുഷന്മാരാണ് ഫറോവമാർ എന്ന് വിശ്വാസം ഈജിപ്ഷ്യൻ ജനങ്ങൾക്കിടയിൽ ഒരു അന്ധവിശ്വാസം എന്ന നിലയിൽ ശക്തമായി ഉണ്ടായിരുന്നു, അതിന് ബലം പകരാൻ രാജ്യം ഭരിച്ചിരുന്ന രാജാക്കന്മാരായ ഫറോവകൾ പരമാവധി ശ്രദ്ധ പുലർത്തിയിരുന്നു എന്നതും മറ്റൊരു കാര്യം.
രാജാക്കന്മാർ ദൈവങ്ങളാണെന്നും അവരുടെ ആത്മാവിന് മരണമില്ലെന്നും, മരണാനന്തര ജീവിതത്തിന് ഭൗതിക സുഖഭോഗങ്ങൾ ആവശ്യമാണെന്നും അന്ധമായ വിശ്വസിച്ചിരുന്നു ഈജിപ്ഷ്യൻ ജനത അതിനായി തങ്ങളുടെ രാജാക്കന്മാരുടെ മരണശേഷം അവരുടെ നിത്യോപയോഗ സാധനങ്ങളും, പരലോകത്ത് അവർക്ക് ആവശ്യമായി വന്നേക്കാം എന്നവർ കരുതിയിരുന്ന വസ്തുക്കളും അമൂല്യങ്ങളായ നിധികളും കൊണ്ട് അവരുടെ കല്ലറകൾ നിറച്ചു വെച്ചു. എന്തിന് പരലോകത്ത് സ്വൈര്യ ജീവിതത്തിനുവേണ്ടി ശരീരം അഴുകി പോകാതിരിക്കാൻ വൈവിധ്യമാർന്ന വസ്തുക്കൾ പുരട്ടി മമ്മിയെന്ന് വിളിച്ച ശരീരങ്ങൾക്ക് മുന്നിൽ പിരമിഡുകൾ തലയുയർത്തി നിന്നു. അവയ്ക്ക് പിന്നിൽ നൂറ്റാണ്ടുകളുടെ ചരിത്രം അതിന്റെ എല്ലാ പ്രൗഢിയിലും ശാന്തമായുറങ്ങി.
വെറും വിശ്വാസത്തിൻറെ മാത്രമായ അല്ലെങ്കിൽ കാണാത്ത ദൈവത്തിൻറെ പ്രതിരൂപമായ ന്മാരുടെ കൂട്ടത്തിൽപ്പെട്ട ഈജിപ്ഷ്യൻ റാണി ക്ലിയോപാട്രയുടെ മമ്മിയോ ശവകുടീരമോ ഇതുവരെ കണ്ടെത്താനാവാത്തതിന് പിന്നിൽ അന്ധവിശ്വാസവും മിത്തുമൊക്കെ കൂട്ടിക്കലർത്തി കഥ മെനയുന്നവർ ഏറെയുണ്ട്. ശാഠ്യക്കാരിയായ ഭരണാധികാരിയായിരുന്നു ക്ലിയോപാട്ര. തനിക്ക് വേണ്ടതെന്തും ഞൊടിയിടയിൽ കൺമുന്നിലെത്തിക്കാൻ കെല്പുള്ള രാജ്ഞി. അത്തരമൊരു രാജ്ഞിക്ക് തന്റെ ശവകുടീരം ആരും കാണരുതെന്ന ശാഠ്യമുണ്ടായിരുന്നെങ്കിൽ അത് നടക്കുക തന്നെ ചെയ്യും എന്ന് വാദിക്കുന്നവരാണ് പലരും!?
#Pharaoh #Tomb #Egypt #Cleopatras #Sea