Google gemini ai സാരി ആപ്പ് ഉപയോഗിച്ച് ട്രെൻഡിനെ ഒപ്പം സാരി സ്വയം ഉടുപ്പിക്കുമ്പോൾ ചില പ്രശ്നങ്ങളും ഭാവിയിൽ വന്നു കൂട്ടായികയില്ല.
ജെമിനിയെ കൊണ്ട് എല്ലാവരും വിൻ്റേജ് സാരി ഉടുപ്പിച്ച് (സാരി ഉടുക്കാൻ അറിയാത്തവർ പോലും) കഴിഞ്ഞുകാണുമല്ലോ ?. പ്രത്യേകിച്ച് ഇൻസ്റ്റാഗ്രാം അക്കൗണ്ടുകൾ ഉള്ളവരാണെങ്കിൽ, മറ്റു സമൂഹമാധ്യമങ്ങളുടെ കാര്യവും മോശമല്ല എങ്കിലും ഇൻസ്റ്റാഗ്രാമാണ് അല്പം മുന്നിൽ.ചാറ്റ്ജിടിപിയ്ക്ക് പിന്നാലെ ഗൂഗിളിൻ്റെ ജെമിനി നാനോ മോഡൽ എന്ന എഐ ഫോട്ടോ എഡിറ്റിങ് ഫീച്ചർ ട്രെൻഡും ഇതിനോടകം തന്നെ സോഷ്യൽ മീഡിയ കീഴടക്കി കഴിഞ്ഞിട്ടുണ്ട്.വിൻ്റേജ് സാരി എഐ എഡിറ്റുകളും ഇതിനോടകം പരീക്ഷിച്ചു നോക്കി കാണുമല്ലോ?.
ഫോട്ടോകൾ അതിമനോഹരമായ ത്രീഡി ചിത്രങ്ങളായും കാർട്ടൂണുകളായും മാറ്റാൻ കഴിവുള്ള നാനോ ബനാന (Nano Banana) പോലുള്ള ആപ്പുകൾ. എന്നാൽ, ഈ ട്രെൻഡിനൊപ്പം പോകുമ്പോൾ പലരും മറന്നുപോകുന്ന ഒരു കാര്യമുണ്ട്: നമ്മുടെ മുഖം വെറും ഒരു ചിത്രമല്ല, അതൊരു ഡിജിറ്റൽ പാസ്‌വേഡാണ്. ഈ ആപ്പുകൾ ഉപയോഗിക്കുമ്പോൾ അറിയാതെ പോലും നമ്മുടെ സ്വകാര്യ വിവരങ്ങളും സുരക്ഷയും അപകടത്തിലായേക്കാം.
സാധാരണ ചിത്രങ്ങളെ അപേക്ഷിച്ച് തിളങ്ങുന്ന പ്ലാസ്റ്റിക് പോലുള്ള ചർമം, വലിപ്പമേറിയ കണ്ണുകൾ, കാർട്ടൂൺ പോലുള്ള ത്രീഡി പോർട്രെയ്റ്റ് പ്രതിമ, റെട്രോ മോഡൽ വിൻ്റേജ് സാരികളിലും വസ്ത്രങ്ങളിലുമുള്ള എഐ ചിത്രങ്ങൾ എന്നിവയെല്ലാമാണ് ഗൂഗിൾ നാനോ ബനാന ട്രെൻഡ് പരീക്ഷിക്കാൻ പലരെയും പ്രേരിപ്പിക്കുന്നത്.
ത്രീഡി ചിത്രം നിർമ്മിക്കാൻ വേണ്ടി ഒരാൾ അപ്‌ലോഡ് ചെയ്യുന്ന ഫോട്ടോ പോലുള്ള കണ്ടൻ്റ് സംരക്ഷിക്കുമെന്ന് ഗൂഗിൾ, ഓപ്പൺ എഐ പോലുള്ള ടെക് കമ്പനികൾ വാഗ്ദാനം ചെയ്യുന്നുണ്ടെങ്കിലും, ഉള്ളടക്കം ദുരുപയോഗം ചെയ്യപ്പെടാനോ, സമ്മതമില്ലാതെ പരിഷ്കരിക്കാനോ, തെറ്റായ ആരോപണങ്ങൾ ഉന്നയിക്കാനോ ഉള്ള സാധ്യത എത്രത്തോളം ഉണ്ടെന്ന് വ്യക്തമല്ല. ഇത് നിർണയിക്കുന്നത് ഉപയോക്താവിൻ്റെ ഡിവൈസിൻ്റെ സ്വന്തം സുരക്ഷയും, ചിത്രങ്ങൾ കാണാനാകുന്നവരുടെ ഉദ്ദേശ്യവുമാണ്. ചിത്രം ഏതെങ്കിലും തരത്തിൽ ദുരുപയോഗം ചെയ്യൽ, അനുവാദമില്ലാതെ മാറ്റങ്ങൾ വരുത്തൽ, തെറ്റായ അവകാശ വാദം ഉന്നയിക്കൽ എന്നീ പ്രശ്നങ്ങൾ ഭാവിയിൽ ഉയരാം.
സോഷ്യൽ മീഡിയ കീഴടക്കി 'നാനോ ബനാന ട്രെൻഡ്'
ഗൂഗിളിൻ്റെ നാനോ ബനാന ചിത്രങ്ങളിൽ ഒരു അദൃശ്യ ഡിജിറ്റൽ വാട്ടർ മാർക്ക് അഥവാ 'സിൻന്ത്ഐഡി' (SynthID) ഉണ്ടായിരിക്കും. നിർമ്മിത ബുദ്ധി അധിഷ്ഠിതമായ (എഐ) ചിത്രമാണെന്ന് തിരിച്ചറിയാൻ ഉദ്ദേശിച്ചുള്ള ഈ മെറ്റാ ഡാറ്റ ടാഗുകളും വേറെയുണ്ട്.
"ജെമിനി 2.5 ഫ്ലാഷ് ഇമേജ് ഉപയോഗിച്ച് ജനറേറ്റ് ചെയ്യുന്നതോ എഡിറ്റ് ചെയ്തതോ ആയ എല്ലാ ചിത്രങ്ങളിലും, എഐ ജനറേറ്റഡ് ആണെന്ന് വ്യക്തമായി തിരിച്ചറിയാൻ ഒരു അദൃശ്യമായ SynthID ഡിജിറ്റൽ വാട്ടർമാർക്ക് (digital watermark) ഉൾപ്പെടുത്തിയിട്ടുണ്ട്. ഇതുവഴി ഉപയോക്താക്കൾക്ക് ആത്മവിശ്വാസത്തോടെ ഉപയോഗിക്കാനും സുതാര്യത നൽകുകയുമാണ് ലക്ഷ്യം," എന്നാണ് എഐസ്റ്റുഡിയോ.ഗൂഗിൾ.കോമിൽ അവകാശപ്പെടുന്നത്.
ഡീപ് ഫേക്കുകൾക്ക് സാധ്യതയുണ്ടെങ്കിലും നഗ്നനേത്രങ്ങൾക്ക് ദൃശ്യമല്ലെങ്കിലും SynthID ഡിജിറ്റൽ വാട്ടർ മാർക്ക് ഉണ്ടെങ്കിൽ കണ്ടൻ്റ് എഐ ഉപയോഗിച്ച് നിർമിച്ചതാണോയെന്ന് അനായാസം കണ്ടെത്താനാകും. എന്നിരുന്നാലും, ആ വാട്ടർ മാർക്കിനായുള്ള ഡിറ്റക്ഷൻ ടൂൾ ഇതുവരെ പൊതുജനങ്ങൾക്ക് ലഭ്യമല്ല. അതിനാൽ മിക്കയാളുകൾക്കും അത് പരിശോധിക്കാൻ കഴിയില്ലെന്ന് ടാറ്റ്‌ലർ ഏഷ്യ റിപ്പോർട്ട് പറയുന്നു.
സീഡ് ഡ്രീം 4.0 : നാനോ ബനാനയ്ക്ക് വെല്ലുവിളിയുമായി ചൈനയുടെ എഐ ഇമേജ് ജനറേഷന്‍ ടൂള്‍
വാട്ടർമാർക്കിംഗ് ആദ്യം ഒരു മികച്ച പരിഹാരമായി തോന്നാമെങ്കിലും, എളുപ്പത്തിൽ നീക്കം ചെയ്യാനോ വ്യാജമായി മാറ്റിയെടുക്കാനോ കഴിയുമ്പോൾ അതിൻ്റെ യഥാർത്ഥ ഉദ്ദേശ്യലക്ഷ്യം തന്നെ പരാജയപ്പെടാമെന്നാണ്, എഐ ഡിറ്റക്ഷൻ സ്റ്റാർട്ടപ്പായ റിയാലിറ്റി ഡിഫൻഡറിൻ്റെ സിഇഒ ബെൻ കോൾമാനെ പറയുന്നത്.
"വാട്ടർ മാർക്കിംഗ് എഐയുടെ കണ്ടെത്തലിൽ സഹായിക്കുമെന്ന് ചില വിദഗ്ധർ കരുതുന്നുണ്ട്. പക്ഷേ അതിൻ്റെ പരിമിതികൾ മനസിലാക്കേണ്ടതുണ്ട്. വാട്ടർമാർക്കിംഗ് മാത്രം മതിയാകുമെന്ന് ആരും കരുതുന്നില്ല. ഈ ഉപകരണം മെച്ചപ്പെടുത്തുന്നതും മറ്റു സാങ്കേതിക വിദ്യകൾ കൂടി സംയോജിപ്പിച്ച് ഉപയോഗിക്കുന്നതും അനധികൃതമായ ആർട്ടിഫിഷ്യൽ നിർമാണങ്ങളെ ചെറുക്കും," യുസി ബെർക്ക്‌ലി സ്കൂൾ ഓഫ് ഇൻഫർമേഷനിലെ പ്രൊഫസർ ഹാനി ഫരീദ് പറഞ്ഞു.
ഫോട്ടോകൾ എങ്ങനെ സുരക്ഷിതമായി സൂക്ഷിക്കാം?
സെലക്ടീവായിരിക്കുക: ഏതൊരു എഐ ടൂളിലേയും പോലെ നിങ്ങൾക്ക് ലഭിക്കുന്നത് നിങ്ങൾ എവിടെ പോസ്റ്റ് ചെയ്യുന്നു എന്നത് പോലെയിരിക്കും അതിൻ്റെ സുരക്ഷിതത്വം. സെൻസിറ്റീവ് ഫോട്ടോകൾ, വ്യക്തിപരമായ നഷ്ടങ്ങൾ വരുത്തുന്ന തരത്തിലുള്ളതും സ്വകാര്യത വെളിപ്പെടുത്തുന്നതുമായ ചിത്രങ്ങൾ കഴിയുന്നത്ര ഒഴിവാക്കുക.
മെറ്റാ ഡാറ്റ സ്ട്രിപ്പ് ചെയ്യുക: ചിത്രങ്ങൾ അപ്‌ലോഡ് ചെയ്യുന്നതിനുമുമ്പ്, ലൊക്കേഷൻ ടാഗുകൾ, ഉപകരണ വിവരങ്ങൾ തുടങ്ങിയ വിശദാംശങ്ങൾ നീക്കം ചെയ്യുക. ഇത് ഉദ്ദേശിക്കാത്ത വിവരങ്ങൾ ചോർന്ന് വ്യാപിക്കുന്നത് തടയാൻ സഹായിക്കും.
സ്വകാര്യതാ ക്രമീകരണങ്ങൾ: എല്ലായ്പ്പോഴും ആപ്പുകളിലും സോഷ്യൽ മീഡിയ പ്ലാറ്റ്‌ഫോമുകളിലും ശക്തമായ സ്വകാര്യതാ ക്രമീകരണങ്ങൾ ഉപയോഗിക്കുന്നത് അനുയോജ്യമാണ്. നിങ്ങളുടെ ചിത്രങ്ങൾ ആർക്കൊക്കെ കാണാനാകുമെന്ന് നിയന്ത്രിക്കുന്നത് ഉള്ളടക്കം ദുരുപയോഗം ചെയ്യുന്നതോ തട്ടിപ്പുകാർ ആക്‌സസ് ചെയ്യുന്നതോ തടയാൻ സഹായിക്കും.
പൊതുവായി പങ്കിട്ട ശേഷം ചിത്രങ്ങൾ പകർത്താനും മാറ്റം വരുത്താനും സന്ദർഭത്തിന് പുറത്തായി ഉപയോഗിക്കാനും സാധ്യതയുള്ളതിനാൽ വ്യാപകമായി പങ്കിടുന്നതിന് മുമ്പ് ജാഗ്രത പാലിക്കുക.
ചിത്രത്തിന്റെ പകർപ്പുകൾ സൂക്ഷിക്കുക: നിങ്ങളുടെ യഥാർത്ഥ ചിത്രം സൂക്ഷിക്കുക അല്ലെങ്കിൽ മാറ്റങ്ങളോ ദുരുപയോഗമോ ശ്രദ്ധയിൽപ്പെടുന്നതിന് ഉടനടി ബാക്കപ്പ് ചെയ്യുക.
നിബന്ധനകളും സമ്മതവും ശ്രദ്ധിക്കുക: അപ്‌ലോഡ് ചെയ്യുന്നത് നിങ്ങളുടെ ചിത്രത്തിന്റെ മേൽ പ്ലാറ്റ്‌ഫോമിന് അവകാശങ്ങൾ നൽകുന്നുണ്ടോ, മോഡൽ പരിശീലനത്തിൽ ഇത് ഉപയോഗിക്കാൻ കഴിയുമോ തുടങ്ങിയ കാര്യങ്ങൾ മനസ്സിലാക്കുക.
ശ്രദ്ധിക്കാൻ ചില കാര്യങ്ങൾ :
Al ടാപ്പുകളിൽ അമിതമായി ഫോട്ടോകൾ അപ്‌ലോഡ് ചെയ്യുന്നത് ദോഷം ചെയ്യാം. ട്രെൻഡുകൾ (Trend) ഒരു നിശ്ചിതകാലത്തേക്ക് മാത്രമേ നിലനിൽക്കുകയുള്ളൂ അത് ഏത് കാര്യത്തിലായാലും അതുകഴിയുമ്പോൾ വിസ്മൃതിയിലേക്ക് മറയും.എഐ ആപ്ലിക്കേഷനുകളിൽ സ്വന്തം മുഖചിത്രങ്ങൾ നിരന്തരം അപ്‌ലോഡ് ചെയ്യുന്നത് “ഫാഷൻ” അല്ലെങ്കിൽ “ട്രെൻഡ്” എന്ന നിലയിൽ ആളുകൾ ഏറ്റെടുത്തിരിക്കുന്നു. എന്നാൽ, ഇതിന്റെ ദീർഘകാല പ്രത്യാഘാതങ്ങളെ കുറിച്ച് പലരും ചിന്തിക്കാത്തതാണ് ഏറ്റവും വലിയ പ്രശ്നം.
മുഖരൂപ പുനർസൃഷ്ടി: പല ചിത്രങ്ങളും ഒരുമിച്ച് നൽകിയാൽ എഐ വ്യക്തിയുടെ മുഖഭാവം കൃത്യമായി പുനർസൃഷ്ടിക്കാനാകും.
ബയോമെട്രിക് തട്ടിപ്പ്: ഇത്തരത്തിലുള്ള പുനർസൃഷ്ടിച്ച ചിത്രങ്ങൾ ഉപയോഗിച്ച് മൊബൈൽ, ലാപ്‌ടോപ്പ് പോലുള്ള ഫേസ് അൺലോക്ക് സംവിധാനങ്ങൾ ചതിക്കപ്പെടാനിടയുണ്ട്.
ഐഡന്റിറ്റി മോഷണം: വ്യാജ ഐഡികൾ, അക്കൗണ്ട് സൃഷ്ടികൾ, അല്ലെങ്കിൽ സോഷ്യൽ മീഡിയയിലെ വ്യാജ പ്രൊഫൈലുകൾ ഉണ്ടാക്കാൻ ഇത്തരം ചിത്രങ്ങൾ ഉപയോഗിക്കപ്പെടാം.
ഡാറ്റാ സുരക്ഷാ സംശയം: ഒരിക്കൽ അപ്‌ലോഡ് ചെയ്താൽ ചിത്രങ്ങൾ എവിടെ സംഭരിക്കപ്പെടും, എങ്ങനെ ഉപയോഗിക്കപ്പെടും എന്നത് വ്യക്തിക്ക് നിയന്ത്രിക്കാനാവില്ല.
പങ്കിടാൻ പാടില്ലാത്ത പൊതുനിർദ്ദേശങ്ങൾ
ഒരു വ്യക്തിയുടെ നിയമാനുസൃതമായ ആവശ്യങ്ങൾക്ക് ഉപയോഗിക്കുന്ന പാസ്‌പോർട്ട്, ആധാർ, ലൈസൻസ്, ബാങ്ക് കാർഡ് തുടങ്ങിയ ഐഡി രേഖകളുടെ ചിത്രങ്ങൾ ഒരിക്കലും അപ്‌ലോഡ് ചെയ്യരുത്.
ബാങ്കിങ്, മറ്റ് സെൻസിറ്റീവ് ആപ്പുകൾ എന്നിവയ്ക്ക് പാസ്‌വേഡ് അല്ലെങ്കിൽ പിൻ ഉപയോഗിക്കുക. മുഖം തിരിച്ചറിയൽ (Face Unlock) ഒഴിവാക്കുക.
വ്യക്തമായ മുഖമുള്ള നിരവധി സെൽഫികൾ പങ്കുവെക്കുന്നത് ഒഴിവാക്കുക. സാധ്യമെങ്കിൽ അവതാർ, കാർട്ടൂൺ അല്ലെങ്കിൽ സ്റ്റൈലൈസ് ചെയ്ത ചിത്രങ്ങൾ ഉപയോഗിക്കുക. കാരണം എ ഐ ആപ്പുകൾ ത്രീഡി ചിത്രങ്ങൾ നിർമ്മിക്കുന്ന സമയത്ത് ഇൻറർനെറ്റിൽ ലഭ്യമായിട്ടുള്ള ആ വ്യക്തിയുടെ വ്യക്തിയുടെ മറ്റു (സമൂഹമാധ്യമങ്ങളിൽ പങ്കിട്ടത്) പല ചിത്രങ്ങളും വിശകലനം ചെയ്യുകയും അതിൽ നിന്നുള്ള വിവരങ്ങളും ഉൾപ്പെടുത്തുകയും ചെയ്യും അങ്ങനെ വരുമ്പോൾ കൊടുത്തിരിക്കുന്ന ഫോട്ടോയിൽ കാണാത്ത, അടയാളങ്ങളോ പാടുകളോ ഒക്കെ പ്രത്യക്ഷപ്പെട്ടു എന്നും വരാം. എല്ലാ പ്രധാന അക്കൗണ്ടുകളിലും മൾട്ടി-ഫാക്ടർ ഓതന്റിക്കേഷൻ (MFA) സജീവമാക്കുക.
ഉപയോഗിക്കുന്ന എഐ ആപ്പിന്റെ പ്രൈവസി പോളിസി വായിച്ച് ചിത്രങ്ങൾ എങ്ങനെ സംഭരിക്കപ്പെടുന്നു എന്നറിയുക. ഡിലീറ്റ് ചെയ്യാനുള്ള സൗകര്യമുണ്ടോ എന്നും ഉറപ്പുവരുത്തുക.
Technology